ڄَم جو نالو	علي رضا
جنم	اڱارو، 25 آگسٽ 1998
ڄَم جو ھنڌ:	خيرپور ميرس

نوجوان شاعر علي رضا ڪوثر 25 آگسٽ 1998ع تي پاڪستان جي صوبي سنڌ جي ضلعي خيرپور ميرس ۾ ڄائو. هن 2019 ۾ شاھ عبداللطيف يونيورسٽي، خيرپور مان رياضي جي مضمُون ۾ بيچلر جي ڊگري حاصل ڪئي. بعد ۾، 2025 ۾ سکر آءِ بي اي يونيورسٽي مان ايم ايس / ايم فل جي ڊگري حاصل ڪئي. جنوري 2025 ۾ هن سنڌ پبلڪ سروس ڪميشن جو امتحان پاس ڪري رياضي جي ليڪچرار طور سرڪاري تعليمي اداري ۾ ملازمت اختيار ڪئي.
علي رضا ڪوثر 2018 ۾ شاعري جي شروعات ڪئي. شروعاتي طور تي هن اردو ٻوليءَ ۾ شاعري ڪئي، پر 2021 کان هو باقاعدي طور سنڌي ٻوليءَ ۾ شاعري ڪرڻ لڳو. هو مختلف علائقن جھڙوڪ خيرپور ميرس، سکر، لاڙڪاڻو ۽ حيدرآباد ۾ مشاعرن ۾ شرڪت ڪري چڪو آهي.
هن جي شاعري جا موضوع مختلف آهن، جن ۾ پيار، محبت، عشق، فطرت، سماجي، سياسي ۽ معاشي مسئلا، طبقاتي اڻ برابري، غربت، وجوديت، ظلم خلاف اظهار، احتجاج، بغاوت، سنڌي ثقافت، سنڌيت، ۽ سنڌو درياھ سان وابستگي شامل آهن.
علي رضا ڪوثر جو ڪو بہ ڪتاب اڃا تائين شايع نه ٿيو آهي، پر وٽَس ٻِن ڪتابن جيترو مواد تيار ٿيل آهي، جيڪو مستقبل ۾ شايع ٿيڻ جو امڪان رکي ٿو.